அம்பலாங்கொடை, கந்தகொட மயானத்தில் மறைத்து வைக்கப்பட்டிருந்த சுமார் ஒரு கோடியே 68 இலட்சம் ரூபாவுக்கும் அதிக பெறுமதியான 1 கிலோ 400 கிராம் ஐஸ் போதைப்பொருள் கைப்பற்றப்பட்டுள்ளது.
இலங்கை இராணுவப் புலனாய்வுப் பிரிவினருக்குக் கிடைத்த இரகசியத் தகவலையடுத்து, இன்று (17) முன்னெடுக்கப்பட்ட விசேட சுற்றிவளைப்பின்போதே இந்தப் போதைப்பொருள் மீட்கப்பட்டுள்ளது.
இராணுவப் புலனாய்வுப் பிரிவு அதிகாரிகள் மற்றும் மாத்தறை பொலிஸ் விசேட அதிரடிப்படையினர் இணைந்து இந்த நடவடிக்கையை முன்னெடுத்துள்ளனர்.
இதன்போது, கந்தகொட தகனசாலை வளாகத்தில் அமைந்துள்ள கல்லறையொன்றுக்கு அருகில் மிகவும் சூட்சுமமான முறையில் மறைத்து வைக்கப்பட்டிருந்த போதைப்பொருள் கண்டுபிடிக்கப்பட்டுள்ளது.
சம்பவம் தொடர்பான மேலதிக விசாரணைகளை அம்பலாங்கொடை பொலிஸார் முன்னெடுத்து வருகின்றனர்.







