நக்கிள்ஸ் மலைப்பகுதியில் உள்ள குகையொன்றுக்கு அருகில் காணாமல் போன நிலையில் தேடப்பட்டு வந்த 15 வயது சிறுமி மீட்கப்பட்ட சம்பவம் தொடர்பில் அதிர்ச்சியூட்டும் புதிய தகவல்கள் வெளியாகியுள்ளன.
சிறுமியைப் பாலியல் துஷ்பிரயோகம் செய்ததாகக் குற்றச்சாட்டில் கைது செய்யப்பட்ட 36 மற்றும் 23 வயதுடைய இருவரும் உறவினர்கள் என பொலிஸ் விசாரணைகளில் தெரியவந்துள்ளது. அவர்கள் மாமன் மற்றும் மருமகன் எனவும் தெரிவிக்கப்பட்டுள்ளது.
பொலிஸாரின் தகவலின்படி, 36 வயதுடைய சந்தேகநபர் கடந்த 2023ஆம் ஆண்டு முதல் சிறுமியைப் பாலியல் துஷ்பிரயோகம் செய்ததாகவும், பின்னர் 23 வயதுடைய மற்றைய சந்தேகநபரும் இதில் தொடர்புபட்டதாகவும் சந்தேகிக்கப்படுகிறது.

இருவரும் பல சந்தர்ப்பங்களில் சிறுமியைத் துஷ்பிரயோகம் செய்துள்ளதாக ஆரம்பகட்ட விசாரணைகளில் தெரியவந்துள்ளது.
இதன் காரணமாக சிறுமி கர்ப்பமடைந்ததுடன், பின்னர் காட்டுப்பகுதிக்கு அழைத்துச் செல்லப்பட்ட நிலையில் அங்கு குழந்தையைப் பெற்றெடுத்துள்ளதாகவும் பொலிஸ் தகவல்கள் தெரிவிக்கின்றன.
மேலும், குழந்தை பிறந்த பின்னரும் சிறுமி தொடர்ந்து துஷ்பிரயோகத்திற்கு உள்ளாக்கப்பட்டதாகக் குற்றச்சாட்டுகள் முன்வைக்கப்பட்டுள்ளன.
சிறுமியின் பாதுகாப்பு மற்றும் சம்பவத்துடன் தொடர்புடைய ஏனைய விடயங்கள் குறித்து பொலிஸார் மேலதிக விசாரணைகளைத் தீவிரமாக முன்னெடுத்து வருகின்றனர்.








