தேசிய இளைஞர் சேவை மன்றம் மற்றும் மண்முனை வடக்கு பிரதேச இளைஞர் கழக சம்மேளனத்தின் ஏற்பாட்டில், வெசாக் விழா நிகழ்வானது 24.05 அன்று மட்டக்களப்பு ஜெயந்திபுரம் பௌத்த விகாரையிலும், 25.05 அன்று மட்டக்களப்பு ஸ்ரீ மங்களராம ராஜ மஹா பௌத்த விகாரையிலும் நடைபெற்றது.
குறித்த நிகழ்வில் இளைஞர் சேவை மன்றத்தின் கிழக்கு மாகாண பணிப்பாளர், தேசிய இளைஞர் சேவை மன்றத்தின் மட்டக்களப்பு மாவட்ட உதவி பணிப்பாளர், மாவட்ட இளைஞர் சேவை உத்தியோகஸ்தர், மண்முனை வடக்கு பிரதேச இளைஞர் கழக சம்மேளன உறுப்பினர்கள், இளைஞர் கழக அங்கத்தவர்கள் மற்றும் பொதுமக்கள் என பலர் கலந்து கொண்டிருந்தனர்.
அதேசமயம் இந்த வெசாக் விழாவில் தன்சல்(தானம்), மதபோதனை, பக்திபாடல் போன்ற நிகழ்வுகள் இடம்பெற்றிருந்தமையும் குறிப்பிடத்தக்கது.
