உலகத்தன்மம் சமூக அமைப்பின் ஏற்பாட்டில் மட்டக்களப்பு மாநகர சபை, சுகாதார வைத்திய அதிகாரி காரியாலயங்களின் அனுமதியுடன் நேற்று முன்தினம் (25) பாலமீன்மடு கடற்கரை பிரதேசத்தில் தேங்கியிருந்த பிளாஸ்டிக் கழிவுகள் அகற்றும் பணி மேற்கொள்ளப்பட்டது.
இவ் அமைப்பின் உறுப்பினர்கள் சுமார் 35 பேர் உட்பட, கொக்குவில் பொலிஸ் பொறுப்பதிகாரி அவர்களின் பணிப்புரையின் பேரில் இது இடம்பெற்றிருந்தது.
பொலிஸ் உத்தியோகத்தர்கள் ஐவர், பாலமீன்மடு கிராம சேவகர் பிரிவுக்குப் பொறுப்பான பொதுச் சுகாதாரப் பரிசோதகர், மாநகர சபையின் பொதுச் சசுகாதரப் பரிசோதகர், கிராம அபிவிருத்திச் சங்கத்தின் பிரதிநிதிகள் என அனைவரும் ஒன்றிணைந்து இத் தூய்மையாக்கும் பணியினை முன்னெடுத்திருந்தனர்.
சுமார் 02 மணி நேரம் முன்னெடுக்கப்பட்ட இப்பணியில் 2 ஏக்கர் பரப்பளவிலான கடற்கரை ஒரங்களில் பரவிக் கிடந்த பிளாஸ்டிக் போத்தல்கள், பிளாஸ்டிக் பைகள் மற்றும் உக்காத கழிவுகள் என அனைத்தும் சேகரிக்கப்பட்டு, மாநகரசபை மூலம் சேகரிக்கப்பட்ட பொருட்களை,கழிவு சேகரிக்கும் பகுதிக்கு எடுத்துச் செல்வது வரையான பணிகள் மேற்கொள்ளப்பட்டு சுத்தம் செய்யப்பட்டது.
இப்பணியை திட்டமிட்ட வகையில் செய்து முடிப்பதற்கு கையுறை, உரப்பைகள் என்பனவற்றை மாநகர சபை ஆணையாளர் வழங்கி வைத்திருந்தார்.
அதேசமயம் சுகாதாரப் பகுதி உத்தியோகத்தர்கள், உத்தியோக பூர்வ ஒத்துழைப்புக்களை வழங்கிய பொதுச்சுகாதார பரிசோதர்கள், பொலிஸ் அதிகாரிகள், கிராம அபிவிருத்திச் சங்கப் பிரதிநிதிகள், பல்வேறு பகுதிகளில் இருந்து வருகை தந்து பணியை வெற்றிகரமாகச் செய்து முடிக்க உதவிய அமைப்பின் உறுப்பினர்கள் மற்றும் ஊடகவியலாளர்களுக்கும் மனமார்ந்த நன்றிகளை உலகத் தன்மம் சமூக அமைப்பு சார்பாக நன்றி தெரிவிப்பதாக மேலும் குறிப்பிட்டிருந்தனர்.
