ஹிலோகம பகுதி வயலொன்றிலிருந்து ஆணொருவரின் சடலம் மீட்பு!

குருணாகல், நிக்கவரெட்டிய பொலிஸ் பிரிவிற்குட்பட்ட ஹிலோகம பகுதியில் உள்ள வயலொன்றிலிருந்து நேற்று முன்தினம் (29) ஆணொருவரின் சடலம் மீட்கப்பட்டுள்ளதாக நிக்கவரெட்டிய பொலிஸார் தெரிவித்தனர்.

குருணாகல், ரஸ்நாயக்கபுர பகுதியைச் சேர்ந்த 44 வயதுடைய நபரொருவரே உயிரிழந்துள்ளார்.

இவர் கடந்த 24 ஆம் திகதியிலிருந்து காணாமல்போயுள்ளதாக ரஸ்நாயக்கபுர பொலிஸ் நிலையத்தில் முறைப்பாடொன்று அளிக்கப்பட்டுள்ளதாக பொலிஸார் தெரிவித்தனர்.

உயிரிழந்தவரது சடலம் பிரேத பரிசோதனைக்காக நிக்கவரெட்டிய வைத்தியசாலையில் வைக்கப்பட்டுள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை நிக்கவரெட்டிய பொலிஸார் மேற்கொண்டு வருகின்றனர்.