யாழில் புத்தக பையினுள் கசிப்பு கடத்தியவர் கைது!

விசுவமடுவில் இருந்து யாழ்ப்பாணத்திற்கு பாடசாலை புத்தகப்பையினுள் கசிப்பை கொண்டுவந்தவர் கைதுசெய்யப்பட்டுள்ளதாக காவல்துறையினர் தெரிவித்துள்ளனர்.

இதன்போது மூன்று பைகளில் இருந்து 30 லீற்றர் கசிப்பு மீட்கப்பட்டுள்ளது.

யாழ்ப்பாண மாவட்ட காவல்துறை புலனாய்வு பிரிவுக்கு கிடைத்த தகவலுக்கமைய யாழ்ப்பாணம் நெடுந்தூர தனியார் பேருந்து நிலையத்தில் குறித்த கைது நடவடிக்கை முன்னெடுக்கப்பட்டது.

கைது செய்யப்பட்ட 25 வயதான சந்தேக நபரை விசாரணைகளுக்கு பின்னர் நீதிமன்றத்தில் முற்படுத்த நடவடிக்கை எடுக்கப்பட்டுள்ளது.

இதேவேளை, யாழ்ப்பாணம் அச்சுவேலி வாகையடி பகுதியில் நேற்றையதினம் (30) 250 லீற்றர் கோடா மற்றும் 15 லீற்றர் கசிப்பு என்பன கைப்பற்றப்பட்டமை குறிப்பிடத்தக்கது.