கார் மீது ரயில் மோதியதில் இருவர் பலி!

கம்பஹா – எடேரமுல்ல தொடருந்து கடவையில் இடம்பெற்ற விபத்தில் இருவர் உயிரிழந்துள்ளனர்.

குறித்த விபத்து இன்று (08) அதிகாலை இடம்பெற்றுள்ளதாக காவல்துறையினர் தெரிவித்துள்ளார்.

தொடருந்து கடவையில் கார் ஒன்றின் மீது தொடருந்து மோதியதில் இந்த விபத்து இடம்பெற்றுள்ளது.

காரில் பயணித்த தந்தையும் மகளுமே இவ்வாறு உயிரிழந்துள்ளதாக காவல்துறையினர் தெரிவிக்கின்றனர்.

விபத்து காரணமாக பிரதான பாதையில் இயங்கும் தொடருந்து தாமதமாகலாம் என தொடருந்து திணைக்களம் தெரிவித்துள்ளது.