குழுவாக முழு நாட்டிடமும் மன்னிப்பு கேட்டுக்கொள்கிறேன் என்று இலங்கை அணியின் நட்சத்திர வீரர் ஏஞ்சலோ மேத்யூஸ் தெரிவித்துள்ளார்.
இதன்போது ஊடகங்களுக்கு கருத்து தெரிவித்த ஏஞ்சலோ மெத்தியூஸ், அணியின் நம்பிக்கையும், நாட்டின் நம்பிக்கையும் அழிக்கப்பட்டமைக்கு வருந்துகிறோம் எனத் தெரிவித்துள்ளார்.
தொடர்ந்தும் கருத்து தெரிவித்த ஏஞ்சலோ மெத்தியூஸ்;
“ஒரு அணி என்ற வகையில் எங்களின் நம்பிக்கையும், நாட்டின் நம்பிக்கையும் அழிந்து போனதற்கு நாங்கள் மிகவும் வருந்துகிறோம். நாங்கள் மன்னிப்பு கோருகிறோம். நாங்கள் குழுவாக இங்கு வந்ததைச் செய்ய முடியவில்லை. நாங்கள் விளையாடிய இரண்டு போட்டிகளிலும் எங்கள் பேட்ஸ்மேன்கள்தான் தோல்வியடைந்தனர்.
பந்து வீச்சாளர்களும், கீப்பர்களும் சிறப்பாக விளையாடி, குறைந்த ஓட்டங்களை வழங்கினாலும் இரண்டு போட்டிகளிலும் சிறப்பான ஆட்டத்தை வெளிப்படுத்தினர்.
ஆனால் துரதிஷ்டவசமாக எங்களால் வெற்றிபெற முடியவில்லை. இதுபோன்ற போட்டியில் ஒரு போட்டியில் கூட தோற்றால், முன்னேறுவது மிகவும் கடினம் என்று நினைக்கிறேன்.
முதல் இரண்டு போட்டிகளில் தோல்வியடைந்த பிறகு மிகவும் கடினமாக இருந்தது. மேலும் துரதிஷ்டவசமாக நேபாள போட்டியும் மழையால் தடைபட்டது. எங்களுக்கு இன்னும் ஒரு ஆட்டம் உள்ளது. அந்த போட்டியில் சிறப்பாக விளையாடி ஒரு போட்டியிலேனும் வெற்றி பெறுவோம் என நம்புகிறேன்.
எங்கள் பார்வையாளர்கள் எங்களுக்கு நிறைய ஆதரவளிக்கிறார்கள், அவர்களுக்கு எதையும் கொடுக்க முடியவில்லை என்பதில் நாங்கள் மிகவும் வருந்துகிறோம். நாம் கூறுவது ஒன்றே ஒன்றுதான். மன்னிப்பு கேட்போம் போட்டியில் தோற்போம் என்று நாம் யாரும் எதிர்பார்க்கவில்லை.
நாங்கள் வெற்றி பெறுவோம் என்று நம்புகிறோம்.இந்தப் போட்டியில் எங்களால் அதைச் செய்ய முடியவில்லை” என்றார்.
