வெல்லம்பிட்டிய மீதொட்டமுல்ல வடுகொடவத்த பிரதேசத்தில் சட்டவிரோத மதுபானம் இருப்பதாக சந்தேகத்தின் பேரில் வீடொன்றை சுற்றிவளைத்து சேதனையிடச் சென்ற பொலிஸ் அதிகாரிகள் குழுவை வீட்டில் வளர்க்கும் நாயை விட்டு கடிக்கவிட்டார்.
பொலிஸாரை காயப்படுத்தியதால் சந்தேக நபர் மீது துப்பாக்கி சூடு நடத்தி சம்பவத்தை கட்டுப்படுத்தியதாக வெல்லம்பிட்டியப் பொலிஸார் தெரிவிக்கின்றனர்.
சம்பவத்தில் காயமடைந்த பொலிஸ் சார்ஜன்ட் மற்றும் சந்தேக நபர் சிகிச்சைக்காக கொழும்பு தேசிய வைத்தியசாலையில் அனுமதிக்கப்பட்டுள்ளனர்.
சட்டவிரோத மதுபான வியாபாரம் நடைபெறுவதாக பொலிஸாருக்கு கிடைத்த தகவலின் பிரகாரம் வெல்லம்பிட்டிய பொலிஸ் உத்தியோகத்தர்கள் குழு மீதொட்டமுல்ல வடுகொடவத்தை பகுதியிலுள்ள வீடொன்றை சோதனையிடச் சென்ற போது அந்த முகவரியில் வசிக்கும் சந்தேக நபர் பொலிஸாரை வீட்டை பரிசோதிக்க விடாமல் தடுத்ததோடு வீட்டுக்குள் நுழைந்த பொலிஸாரை நாயை விட்டு கடிக்க வைத்து தாக்கி காயப்படுத்தியதுடன், அவர்களது பணிகளுக்கு இடையூறு விளைவிக்கும் வகையில் நடந்து கொண்டதாகப் பொலிஸார் தெரிவித்தனர்.
இந்த சந்தர்ப்பத்தில் பொலிஸ் சார்ஜன்ட் தனது உத்தியோகபூர்வ துப்பாக்கியால் சுட்டதில் சந்தேக நபரின் வலது காலில் காயம் ஏற்பட்டுள்ளது.
சந்தேக நபர் தற்போது பொலிஸ் பாதுகாப்பில் வைத்தியசாலையில் சிகிச்சை பெற்று வருவதாகப் பொலிஸார் தெரிவிக்கின்றனர்
