மட்டக்களப்பு மேற்கு கல்வி வலயத்திற்குட்பட்ட மண்முனை மேற்கு கோட்ட தமிழ்மொழித்தின விழா அண்மையில் பாவற்கொடிச்சேனை விநாயகர் வித்தியாலயத்தில் இடம்பெற்றது.
கோட்டக்கல்விப் பணிப்பாளர் த.ரகுகரன் தலைமையில் இடம்பெற்ற இந்நிகழ்வில் கோட்டமட்டத்தில் வெற்றியீட்டிய மாணவர்களுக்கு சான்றிதழ்கள் வழங்கி வைக்கப்பட்டன. இதன்போது மாணவர்களின் நிகழ்ச்சிகளும் ஆற்றுகை செய்யப்பட்டன.
இந்நிகழ்வில் வலயக்கல்விப் பணிப்பாளர் யோ.ஜெயச்சந்திரன், கிழக்குப்பல்கலைக்கழக கலை, கலாசார பீடாதிபதி கலாநிதி.வ.குணபாலசிங்கம், வலய பிரதிக்கல்விப் பணிப்பாளர்கள், ஆசிரிய ஆலோசகர் பு.சதீஸ்குமார் ஆகியோர் கலந்து கொண்டிருந்தனர்.
