மாத்தளை – நாவுல காவல்துறை பிரிவுக்கு உட்பட்ட எலஹெர – மொரகஹகந்த வீதியில் இடம்பெற்ற விபத்தில் சிறுவனொருவன் உயிரிழந்துள்ளதாக நாவுல காவல்துறையினர் தெரிவித்துள்ளனர்.
குறித்த விபத்தானது நேற்று (21) இடம்பெற்றுள்ளதாக கூறப்படுகின்றது.
விபத்து குறித்து மேலும் தெரிய வருகையில், இரண்டு மோட்டார் சைக்கிள்கள் நேருக்கு நேர் மோதியதில் சாரதிகள் இருவர் மற்றும் பின்னால் சென்ற ஒருவரும் காயமடைந்து கொங்கஹவெல வைத்தியசாலையில் அனுமதிக்கப்பட்டுள்ளனர்.
விபத்தில், பின்னால் அமர்ந்து சென்ற பதுளை பிரதேசத்தைச் சேர்ந்த 17 வயதுடைய சிறுவனே இவ்வாறு உயிரிழந்துள்ளார்.
இந்த நிலையில், உயிரிழந்தவரின் சடலம் கொன்கஹவெல வைத்தியசாலையில் வைக்கப்பட்டுள்ளதாக காவல்துறையினர் தெரிவித்துள்ளனர்..
அதன்படி, இது தொடர்பான மேலதிக விசாரணைகளை நாவுல காவல்துறையினர் மேற்கொண்டு வருகின்றனர்.
