சொக்லேட் மற்றும் சிப்ஸ்கொடுத்து 6 சிறுமிகள் தலைமை ஆசிரியரால் வன்கொடுமை
செய்யப்பட்ட சம்பவம் ராஜஸ்தானில் இடம்பெற்றுள்ளது. ராஜஸ்தான் மாநிலம் துங்கர்பூர்
மாவட்டத்தில் உள்ள அரசபாடசாலையிலேயே இச்சம்பவம் இடம்பெற்றுள்ளது.
குறித்த ஆசிரியர் 8 முதல் 12 வயதுடைய சிறுமிகளையே வன்கொடுமைசெய்துள்ளார் எனவும் பாடசாலை
விடுமுறையில் இருந்த குறித்த ஆறு சிறுமிகளையும் விளையாட அழைத்து செல்வதாகக் கூறி, தனது காரில் வீட்டிற்கு அழைத்து சென்று சொக்லெட், சிப்ஸ்மற்றும் பிஸ்கட் சாப்பிடக் கொடுத்து, பாலியல் பலாத்காரம் செய்து வந்துள்ளார் எனவும் இதற்கு சம்மதம் தெரிவிக்காத சிறுமிகளை மிரட்டி வந்துள்ளார் எனவும்
தெரிவிக்கப்பட்டுள்ளது.
இந்நிலையில் பாதிக்கப்பட்ட சிறுமிகளில் ஒருவர் இது குறித்த தனது பெற்றோருக்கு தெரியப்படுத்தியுள்ள
நிலையில், அதிர்ச்சியடைந்த அவர்கள் உடனடியாக இது குறித்து பொலிஸ்நிலையத்தில் புகார் அளித்துள்ளனர். இதனையடுத்து அவ் ஆசிரியரைக் கைது செய்த பொலிலிஸார், இது குறித்த மேலதிக விசாரணைகளை முன்னெடுத்து வருகின்றனர்.
