போராட்டங்களை தவிர்த்து அலுவலகத்திற்கு சென்ற அரச உத்தியோகத்தர்களுக்கு நற்சான்றிதழுடன் சம்பள உயர்வு！

போராட்டங்களை தவிர்த்து 08 மற்றும் 09 ஆம் திகதிகளில் தங்கள் சேவைகளை சரிவர செய்த அரச உத்தியோகத்தர்களுக்கு பதவி உயர்வுக்கு நிகரான ஒரு சான்றிதழை வழங்க ஜனாதிபதி தீர்மானம் எடுத்துள்ளதாக எஸ்.எம்.எம். முஷாரப் எம்.பி தெரிவித்துள்ளார்.

இன்றைய (09) பாராளுமன்ற கூட்டத்தில் கருத்து தெரிவிக்கும் போதே இதனை அவர் தெரிவித்தார்.

நாடளாவிய ரீதியில் பல்வேறு தொழிற்சங்கங்கள் போராட்டங்களை முன்னெடுத்திருந்த போதிலும் தங்கள் சேவைகளை விடுமுறை அல்லாது சரிவர முன்னெடுத்த அரச உத்தியோகத்தர்களுக்கு பதவி உயர்வுக்கு நிகரான ஒரு சான்றிதழையும் இதன் போது வழங்க ஜனாதிபதி இன்றைய அமைச்சரவை கூட்டத்தில் தீர்மானம் எடுத்துள்ளதாகவும், அதற்கு தான் அவருக்கு நன்றி தெரிவிப்பதாகவும் மேலும் அவர் தெரிவித்தார்.

அதேசமயம் இந்த இரண்டு நாளும் சேவைக்கு சென்ற அரச உத்தியோகத்தர்களுக்கு சம்பள அதிகரிப்பை வழங்க அமைச்சரவையில் ஜனாதிபதியினால் தீர்மானம் நிறைவேற்றப்பட்டுள்ளதாக ஜனாதிபதி ஊடகப் பிரிவு தெரிவித்துள்ளது.