ருவன்வெல்ல பொலிஸ் பிரிவிற்குட்பட்ட கிரிபோருவ தோட்டத்திலுள்ள கிணற்றுக்குள் சிறுமி ஒருவர் விழுந்து உயிரிழந்துள்ள சம்பவம் நேற்று (16) இடம்பெற்றுள்ளதாக ருவன்வெல்ல பொலிஸார் தெரிவித்தனர்.
குறித்த தோட்டத்தை சேர்ந்த 5 வயதுடைய தேவ்மினி அமாஷா என்ற சிறுமியே இவ்வாறு உயிரிழந்துள்ளார் .
தாய் மற்றும் சிறுமி குறித்த கிணற்றுக்குள் தவறி விழுந்துள்ளதாகவும் , இதில் 28 வயதுடைய பி. நிரோஷா என்ற தாய் காப்பாற்றப்பட்டு கரவனெல்ல வைத்தியசாலையில் அனுமதிக்கப்பட்டுள்ளதாகவும் தெரியவந்துள்ளது .
மேலும், சிறுமியின் சடலம் பிரேத பரிசோதனைக்காக கரவனெல்ல வைத்தியசாலைக்கு கொண்டு செல்லப்பட்டுள்ளதுடன் இது தொடர்பிலான மேலதிக விசாரணைகளை ருவன்வெல்ல பொலிஸார் மேற்கொண்டு வருகின்றனர் .
