தேவ ஊழியம் செய்வதாக தெரிவித்து தங்க ஆபரணங்கள் மற்றும் பணத்தை கொள்ளையடித்த போதகர் ஒருவர் பத்தேகம பகுதியில் வைத்து கைதுசெய்யப்பட்டுள்ளார். களுத்துறை குற்றத் தடுப்பு பிரிவு அதிகாரிகளுக்கு கிடைத்த தகவலுக்கமைய இந்த கைது இடம்பெற்றுள்ளது.
சந்தேக நபர் ஹொரண ஹல்தொட்ட பகுதியிலுள்ள வீடொன்றில் தேவ ஊழியம் செய்வதாக தெரிவித்து பணம் மற்றும் தங்க ஆபரணங்களை கொள்ளையிட்டுச் சென்றுள்ளார்.
அவர் இதற்கு முன்னரும் மஹரகம மற்றும காலி பிரதேசங்களில் 80 இலட்சம் ரூபா பெறுமதியான தங்க ஆபரணங்கள் மற்றும் பணத்தை கொள்ளையிட்டுள்ளதாகவும் பொலிசார் தெரிவித்துள்ளனர். சந்தேக நபரிடமிருந்து முச்சக்கர வண்டியொன்று, மோட்டார் சைக்கிளொன்று மற்றும் பித்தளையில் தயாரிக்கப்பட்ட உபகரணங்கள் சிலவும் கைப்பற்றப்பட்டுள்ளன.
