மன்னாரில் நான்கு வீடுகளில் திருட்டு; தண்ணீர் எடுத்து வந்து கைரேகைகளை அழித்த திருடன்!

மன்னார் மாவட்டத்தில் அண்மைக்காலமாக தொடர்ச்சியாக திருட்டு சம்பவங்கள் இடம்பெற்று வருகின்றதாக மக்கள் குற்றம் சுமத்தி இருந்தனர்.

இந்த நிலையில் நேற்று முன் தினம் (16) அன்று ஒரே நாளில் பெரியகமம் பகுதியில் உள்ள நான்கு வீடுகளில் திருட்டு சம்பவம் இடம்பெற்றுள்ளது.

திருட்டு இடம்பெற்ற வீட்டில் இருந்த CCTV காணொளியை பார்வையிட்ட போது சந்தேகத்திற்கிடமான நபர் ஒருவர் வீட்டை உடைத்து வீட்டில் உள்ள குளிர்பான பெட்டியில் இருந்து நீர் அருந்தி விட்டு வீட்டில் இருந்த நகைகளை கொள்ளை இட்டு சென்றுள்ளார்.

அதோடு அருகில் இருந்த இன்னும் ஒரு வீட்டிலும் புகுந்து வீட்டில் இருந்த தாலி உட்பட பல இலட்சம் பெறுமதியான நகைகளை கொள்ளை அடித்துள்ளார்.

அதேசமயம் திருட்டு சம்பவத்தின் பின்னர் வெளியில் வந்து கதவை உடைத்த போது கதவில் உள்ள கை அடையாளங்களை இல்லாது செய்யும் நோக்குடன் தண்ணீரால் துடைக்கும் CCTV காட்சியும் பதிவாக உள்ளது.

இவ்வாறு மன்னார் சாவற்கட்டு பகுதியில் நான்கு திருட்டு சம்பவங்கள் பதிவாகியுள்ளது. இந்த நிலையில் பாதிக்கப்பட்ட வீட்டார் சம்பவம் தொடர்பாக மன்னார் பொலிஸாருக்கு தெரியப்படுத்தியதை தொடர்ந்து, CCTV காட்சி அடிபடையில் பொலிஸார் மேலதிக விசாரணைகளை மேற்கொண்டு வருகின்றனர்.