ஐஸ் மற்றும் போதை மாத்திரைகளுடன் இளைஞன் கைது!

தெஹியத்தகண்டி பிரதேசத்தில் ஐஸ் மற்றும் போதை மாத்திரைகளை கடத்திய நபரொருவரை பொலிஸ் விசேட அதிரடிப்படையினர் கைதுசெய்துள்ளனர்.

அம்பாறை வலய பொலிஸ் அத்தியட்சகர் ஏ.எஸ்.பி குணசிறி தலைமையில் உதவி பொலிஸ் அத்தியட்சகர் சம்பத்குமாரவின் மேற்பார்வையில் விசேட அதிரடிப்படையின் வடமாகாண விசேட சுற்றிவளைப்பு பிரிவு அதிகாரிகளுக்கு கிடைத்த தகவலின் பிரகாரம் அதிகாரிகள் குழுவால் தெஹியத்தகண்டியில் சோதனை நடத்தப்பட்டது.

குறித்த சோதனையின்போது 11 கிராம் 50 மில்லிகிராம் ஐஸ் போதைப்பொருள் மற்றும் 330 போதை மாத்திரைகள் கைப்பற்றப்பட்டுள்ளன.

உத்தலபுர, தமனவெல பிரதேசத்தைச் சேர்ந்த 19 வயதுடைய இளைஞனே இவ்வாறு கைதுசெய்யப்பட்டு கையடக்கத் தொலைபேசி மற்றும் 04 சிம் அட்டைகளுடன் குறித்த நபரை தெஹியத்தகண்டி பொலிஸ் நிலையத்தில் ஒப்படைத்துள்ளனர்.

மேலதிக விசாரணைகளை தெஹியத்தகண்டி பொலிஸார் மேற்கொண்டு வருகின்றனர்.