ஜனாதிபதி அநுரவை நேரில் சந்தித்து கலந்துரையாடிய சுமந்திரன்!

ஜனாதிபதி அநுரகுமார திஸாநாயக்கவை இலங்கை தமிழரசுக்கட்சியின் பேச்சாளரும் முன்னாள் நாடாளுமன்ற உறுப்பினருமான எம்.ஏ.சுமந்திரன் சந்தித்துள்ளார்.

ஜனாதிபதி அலுவலகத்தில் இன்று (03) வியாழக்கிழமை மாலை இந்த சந்திப்பு இடம்பெற்றுள்ளது.

இதன்போது சுமந்திரன், புதிய ஜனாதிபதி அநுரகுமாரவுக்கு வாழ்த்து தெரிவித்ததாகவும், அதன் பின் சில முக்கிய விடயங்கள் பற்றி கலந்துரையாடியதாகவும் தெரியவருகிறது.

இதேவேளை, தமிழ்த் தேசியக் கூட்டமைப்பின் முன்னாள் நாடாளுமன்ற உறுப்பினர் சிவஞானம் சிறீதரன் மற்றும் ஜனாதிபதி அநுரகுமார திஸாநாயக்க இடையில் நேற்று முன் தினம் சந்திப்பொன்று இடம்பெற்றிருந்தது.

இதன்போது ஈழத்தமிழ் மக்களின் எதிர்பார்ப்பையும் நிலைப்பாட்டையும் பிரதிபலிக்கும் எழுத்துமூல கோரிக்கைக் கடிதம் ஒன்றையும் ஜனாதிபதியிடம் நேரில் கையளித்திருந்தமை குறிப்பிடத்தக்கது.