தவுலகல பொலிஸ் பிரிவுக்கு உட்பட்ட கம்பளை – கண்டி வீதியில் பொல்கஹஅங்க பிரதேசத்தில் நேற்று (03) இடம்பெற்ற விபத்தில் பெண் ஒருவர் உயிரிழந்துள்ளதாக தவுலகல பொலிஸார் தெரிவித்தனர்.
கண்டியிலிருந்து கம்பளை நோக்கிப் பயணித்த முச்சக்கரவண்டி ஒன்று வீதியில் பயணித்த பெண் ஒருவர் மீது மோதியதில் இந்த விபத்து இடம்பெற்றுள்ளது.
விபத்தின் போது, படுகாயமடைந்த பெண் பேராதனை வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளார்.
பொல்கஹஅங்க, வெலிகல்ல பிரதேசத்தைச் சேர்ந்த 59 வயதுடைய பெண்ணொருவரே உயிரிழந்துள்ளார்.
இதனையடுத்து, முச்சக்கரவண்டியின் சாரதி சந்தேகத்தின் பேரில் பொலிஸாரால் கைது செய்யப்பட்டுள்ளார்.
இது தொடர்பான மேலதிக விசாரணைகளை தவுலகல பொலிஸார் மேற்கொண்டு வருகின்றனர்.
