உல்பத்தகம பிரதேசத்தில் புதையல் தோண்டிய மூவர் கைது

கல்கிரியாகம, உல்பத்தகம பிரதேசத்தில் இரகசியமாக புதையல் தோண்டிய மூவரை புதையல் தோண்டும் உபகரணங்களுடன் பொலிஸ் விசேட அதிரடிப்படையினர் கைதுசெய்துள்ளனர்.

கண்டி பிராந்தியத்திற்கு பொறுப்பான சிரேஷ்ட பொலிஸ் அத்தியட்சகர் நிஷேத பெர்னாண்டோவின் வழிகாட்டலின் கீழ், அதிகாரிகள் குழுவினால் நேற்று (01) கல்கிரியாகம பொலிஸ் பிரிவிற்குட்பட்ட உல்பதாகம பகுதியில் சோதனைகளை மேற்கொண்டது.

குறித்த சோதனையின்போது கல்கிரியாகம, திபுல்தெனிய, கித்துல்ஹிதியாவ ஆகிய பிரதேசங்களில் வசிக்கும் 29-39 வயதுக்கு இடைப்பட்ட மூவரை தண்ணீர் மோட்டார், கிரில் இயந்திரம் போன்ற புதையல் தோண்டும் உபகரணங்களுடன் கைதுசெய்யப்பட்டு மேலதிக விசாரணைகளுக்காக கல்கிரியாகம பொலிஸ் நிலையத்தில் ஒப்படைக்கப்பட்டனர்.