ஏறாவூரில் மக்கள் போராட்ட முன்னணி கட்சி வேட்பாளர் வீட்டிற்கு, கட்சி ஒன்றுக்கு ஆதரவு கேட்டு தேர்தல் பிரச்சாத்துக்கு சென்ற ஆதரவாளர்களில் ஒருவர் வேட்பாளர் மீது மேற்கொண்ட தாக்குதலையடுத்து அவர் படுகாயமடைந்த நிலையில் வைத்தியசாலையில் அனுமதிக்கப்பட்டுதுடன் தாக்குதலை மேற்கொண்டவர் தப்பி ஒடியுள்ள சம்பவம் ஓன்று நேற்று (2) இடம்பெற்றுள்ளதாக பொலிசார் தெரிவித்துள்ளனர் .;
இது பற்றி மேலும் தெரியவருவதாவது,
ஏறாவூர் பன்சாலை வீதியிலுள்ள உள்ள குறித்த கட்சியின் வேட்பாளரும் அவரது தாயாரும் வாழ்ந்து வருகின்றனர் .இந்த நிலையில் சம்பவதினமான நேற்று பகல் ஒரு மணியளவில் முஸ்லிம் கட்சி ஒன்றின் ஆதரவாளர்கள் 6 பேர் ஆதரவு கேட்டு அங்கு சென்றுள்ளனர்.
இந்த நிலையில் அங்கிருந்த வேட்பாளரின் தாயாரிடம் இது சிறுபான்மையான நாங்கள் வாழும் இடம். எனவே பொரும்பான்மை இன கட்சிகள் வாக்கு கேட்க கூடாதுஎன கண்டபடி ஏசியதையடுத்து, வீட்டினுள் இருந்த வேட்பாளர் வெளியேவந்தபோது அவருக்கும்,முஸ்லிம் கட்சி ஒன்றின் ஆதரவாளர்களுக்கும் இடையே வாக்குவாதம் ஏற்பட்டது
குறித்த சம்பவத்தின் போது து வேட்பாளர் மீது ஆதரவாளர் ஒருவர் தாக்குதலை மேற்கொண்ட நிலையில் அவர் படுகாயமடைந்த நிலையில் வைத்தியசாலையில் அனுமதிகப்பட்டுள்ளார்
இதனையடுத்து தாக்குதலை மேற்கொண்ட நபர் அந்த இடத்தில் இருந்து தப்பி ஓடியுள்ளதாக பொலிசாரின் ஆரம்ப கட்ட விசாரணையில் தெரியவந்துள்ளது
இது தொடர்பான மேலதிக விசாரணைகளை ஏறாவூர் பொலிசார் மேற்கொண்டு வருகின்றனர்.
இதேவேளை குறித்த வேட்பாளர் ஒர் மாற்றுத்திறனாளி என்பது குறிப்பிடத்தக்கது
