அங்கஜன் இராமநாதனின் தந்தையார் மாகாண சபை தேர்தலின் போது கைத்துப்பாக்கியினை காட்டி மிரட்டியவர்.
அருண் சித்தார்த் ஆவா குழுவின் உறுப்பினர் என்பதோடு, சிங்கள இனவாதிகளின் கைக்கூலி. பல இடங்களுக்கு தாவ முயற்சித்து தற்போது திலித் ஜயவீரவுடன் கூட்டுச் சேர்ந்துள்ளார். திலித் இலங்கையில் 2019 ஆம் ஆண்டிற்குப் பின்னர் இடம்பெற்ற இன வன்முறைகளுக்கும் ராஜபக்சக்களுக்கு துணைபோனவர்.
2019 ஆம் ஆண்டு கோட்டாபய இனவாதத்தினை தூண்டி வெற்றி பெறுவதற்கு முன்னின்று உழைத்தவர்.
இவரது தெரண தொலைக்காட்சி இனவாதத்தினை விதைப்பதிலும், தூண்டுவதிலும் ஆற்றிய பங்கு அளப்பரியது. அருணுக்கு பிடியாணை விதிக்கப்பட்டிருந்த நேரத்தில் தன்னுடைய தொலைக்காட்சியில் நேர்காணல் செய்தவர்.
சட்டத்தரணி தற்போது யுத்தத்தின் இறுதி நாள் வரை தமிழ் மக்களை படுகொலை செய்த, காட்டிக்கொடுத்த, கடத்தி வைத்து கப்பம் வசூலித்த, யாழ் குடாநாட்டின் வளங்களை இன்று வரை சூறையாடி வருகின்ற (மகேஸ்வரி நிதியம், கடலட்டை பண்ணை, பூநகரியில் சீமெந்து தொழிற்சாலை, இன்னும் பல) டக்ளஸ் தேவானந்தா என்கிற ‘ஞானி’யின் சீடன் ((வேறொரு கட்சிக்கு தாவும் வரையாவது).
இவர்கள் சேர்ந்து கட்டியெழுப்புகின்ற ‘கனவு’ யாழ்ப்பாணத்தில் உங்களுக்கு நீங்களும், குழந்தைகளும், எதிர்கால சந்ததியினரும் வாழவேண்டும் எனில் இவர்களுக்கே வாக்களியுங்கள்.
இவர்கள் மூவருமே எதிர்வரும் பாராளுமன்றத் தேர்தல்களில் வெவ்வேறு கட்சிகளில் போட்டியிடுகின்றனர் என்பது இன்னும் சிறப்பு. இவர்களின் கொள்கைப்பற்றுக்கு இதை விட வேறு என்ன ஆதாரம் வேண்டும்?
