நேற்று முன்தினம் ( 9) இரவு பொதுமக்கள் மூவர் தாக்கப்பட்ட சம்பவம் தொடர்பில் சுன்னாகம் பொலிஸ் நிலைய பொறுப்பதிகாரியும் அதனுடன் தொடர்பு பட்ட பொலிஸ் உத்தியோகத்தர்களும் பணியிடைநீக்கம் செய்யப்பட்டுள்ளனர்.
இது தொடர்பில் பொலிஸ்மா அதிபரின் உத்தரவின் பெயரில் விசேட பொலிஸ் குழுவொன்று விசாரணையை ஆரம்பித்துள்ளதாக தேசிய மக்கள் சக்தியின் வேட்பாளரான Dr.எஸ்.சிறீபவானந்தராஜா தெரிவித்துள்ளார்.
மேலும் அவர் இது தொடர்பில் தெரிவிக்கையில் நேற்று இரவு நடந்த சம்பவம் தொடர்பாக தான் பொலிஸ் மா அதிபருடன் தொடர்பு கொண்டு இவ்விடயம் தொடர்பாக தெரியப்படுத்தியதாகவும் அதற்கு அமைவாக யாழ் மாவட்ட பொலிஸ்மா அதிபர் உடனடி நடவடிக்கை மேற்கொள்வதாக தெரிவித்திருந்தார்.
அதற்கு அமைவாக இன்று சுன்னாகம் பொலிஸ் நிலைய பொறுப்பதிகாரி உட்பட அச்சம்பவத்துடன் தொடர்புடைய ஏனையவர்களும் பணியிடை நீக்கம் செய்யப்பட்டதாக பொலிஸ்மா அதிபர் தனக்கு தெரிவித்துள்ளதாக Dr.பவானந்தராஜா தெரிவித்துள்ளார்.
