மன்னார், விடத்தல்தீவு பகுதியில் உள்ள இராணுவ முகாமில் உள்ள இராணுவத்தினருக்கு ஒரு வகையான காய்ச்சல் பரவுவதாக தெரியவந்துள்ளது.
இதனையடுத்து முகாமிற்குள்ளேயே இராணுவத்தினர் தனிமைப்படுத்தப்பட்டுள்ளதாக மன்னார் சுகாதார திணைக்களம் தெரிவித்துள்ளது.
முகாமில் உள்ள சுமார் 20 இராணுவ வீரர்கள் ஒருவித காய்ச்சலால் பாதிக்கப்பட்டுள்ளதாகவ காய்ச்சலால் பாதிக்கப்பட்ட இராணுவத்தினர் குழுவொன்றை வைத்தியசாலையில் அனுமதிக்க நடவடிக்கை எடுக்கப்பட்டுள்ளதாகவும் தெரிவிக்கப்படுகிறது.
முகாமில் உள்ள மேலும் 500 இராணுவத்தினர் முகாமிலேயே தனிமைப்படுத்தப்பட்டுள்ளதாக மன்னார் சுகாதார திணைக்களம் தெரிவித்துள்ளது.
காய்ச்சல் பரவுவதற்கான காரணத்தை துல்லியமாக கண்டறிய ஆய்வகங்களுக்கு அனுப்பப்பட்டுள்ளதாகவும், சுமார் 4 நாட்களாக காய்ச்சல் பரவி வருவதாக முதற்கட்டமாக தெரியவந்துள்ளதாகவும் சுகாதாரத்துறை தெரிவித்துள்ளது.
இந்த நோயைக் கட்டுப்படுத்த சுகாதாரத் துறை அனைத்து நடவடிக்கைகளையும் எடுத்துள்ளதாக இராணுவ அதிகாரிகள் தெரிவித்தனர்.
