மட்டக்களப்பு மேற்கு கல்வி வலயத்தின் மண்முனை மேற்கு கோட்டத்தில் அமைந்துள்ள அதி அதி கஷ்டப் பிரதேச பாடசாலையான மட்/மமே/ இருட்டுச் சோலைமடு விஷ்ணு வித்தியாலயத்தில் ஆங்கில விழா கொண்டாடப்பட்டது.
பாடசாலை அதிபர் திரு. றூபஸ் பெர்னாண்டோ அவர்களின் தலைமையில் இது இடம்பெற்றுந்ததுடன், பாடசாலை ஆங்கில இலக்கிய கழகத்தின் ஏற்பாட்டில் இந்த நிகழ்வு நடைபெற்றது.
இந்த விழாவை அதன் பொறுப்பாசிரியை செல்வி கம்சிகா பீற்றர்ஸ் அவர்கள் சக ஆசிரியர்களின் ஒத்துழைப்பை பெற்று திட்டமிட்டு, பயிற்சிகள் வழங்கி நெறியாழ்கை செய்திருந்தார்.
இந்நிகழ்வில் மட்டக்களப்பு மேற்கு கல்வி வலயத்தின் ஆங்கில பிரிவு வளவாளர் திரு. தங்கேஸ்குமார் அவர்களும் கலந்து சிறப்பித்தததுடன், மாணவர்களது பல்வேறுபட்ட நிகழ்வுகளும் ஆங்கில மொழியில் மிகவும் சிறப்பாக அரங்கேறின.
அதேசமயம் இந்நிகழ்வில் ஆங்கில மொழியில் தமது திறமைகளை வெளிப்படுத்திய மாணவர்களுக்கு சான்றிதழ்களு ம்வழங்கப்பட்டமை மேலும் குறிப்பிடத்தக்கது.
