பொல்கொல்லையில் அமைந்துள்ள மஹிந்த ராஜபக்ஷ அரங்கத்திற்கு நாற்காலிகள் கொள்வனவு செய்ததில் அரசாங்கத்திற்கு 7.9 மில்லியன் ரூபாவிற்கும் அதிகமான நிதி இழப்பை ஏற்படுத்தியதாகக் கூறப்படும் ஊழல் குற்றச்சாட்டு தொடர்பில், கூட்டுறவு மற்றும் உள்நாட்டு வர்த்தக அலுவல்கள் அமைச்சின் முன்னாள் செயலாளர் ஒருவர் கைது செய்யப்பட்டுள்ளார்.
இன்று (02) காலை இலஞ்சம் அல்லது ஊழல் பற்றிய சார்த்துதல்களை விசாரிக்கும் ஆணைக்குழுவின் அதிகாரிகளால் அவர் கைது செய்யப்பட்டுள்ளார்.
குறித்த அரங்கத்திற்கான நாற்காலிகளைக் கொள்வனவு செய்யும்போது, முறையான தரத்துடன் குறைந்த விலையை முன்வைத்த தனியார் நிறுவனத்தைத் தவிர்த்து, மற்றுமொரு நிறுவனத்திடமிருந்து கொள்வனவு செய்ய ஏற்பாடு செய்ததன் மூலம் இந்த மோசடி இடம்பெற்றுள்ளதாகக் குற்றம் சுமத்தப்பட்டுள்ளது.
இதனால் அரசாங்கத்திற்கு 7,973,114.50 ரூபா நிதி இழப்பு ஏற்படுத்தப்பட்டதுடன், வெளித்தரப்பினருக்கு முறையற்ற அனுகூலம் வழங்கப்பட்டுள்ளதாகவும் தெரிவிக்கப்பட்டுள்ளது.
கைது செய்யப்பட்ட முன்னாள் செயலாளர் கொழும்பு பிரதான நீதவான் நீதிமன்றத்தில் ஆஜர்படுத்தப்படவுள்ளார்.
