இலங்கை தமிழரசுக் கட்சியின் முன்னாள் தலைவர் மாவை சேனாதிராஜா நேற்று (29) இரவு யாழில் காலமானார் என தமிழரசுக் கட்சியின் ஊடகப் பேச்சாளர் சுமந்திரன் தெரிவித்தார்.
மேலும் குறிப்பிடுகையில்
உடல்நலக்குறைவால் யாழ். போதனைா வைத்தியசாலையில் அனுமதிக்கப்பட்டிருந்த நிலையில் நேற்று (29.01.2025) இரவு 10.00 மணிக்கு 82வது வயதில் உயிரிழந்தார்.
குடும்பத்தாரிடம் இருந்து இன்றைய தினம் (30) தமிழரசுக் கட்சியின் பதில் தலைவர் சீ.வி.கே.சிவஞானம் அவர்கள் அமரர் மாவை சேனாதிராஜாவின் உடலை பொறுப்பெடுத்து, அஞ்சலி நிகழ்வுகளுக்கான ஏற்பாடுகள் செய்யப்படும்.
அமரர் மாவை சேனாதிராசா அவர்களின் இறுதிச் சடங்கு எதிர்வரும் 02/02/2025, ஞாயிறு பி. ப 3.00 மணிக்கு யாழ்ப்பாணம் மாவிட்டபுரம் அன்னாரின் இல்லத்தில் இடம்பெறும் என்றும் மேலும் சுமந்திரன் ஊடகங்களுக்கு கருத்து தெரிவித்தார்.
