நாட்டில் மீண்டும் ஒரு போராட்ட அலையை உருவாக்க சதித் திட்டம் ஒன்று முன்னெடுக்கப்பட்டு
வருகின்றது என்று அரசபுலனாய்வு பிரிவு ஜனாதிபதி ரணில் விக்கிரமசிங்கவுக்கு இரகசிய அறிக்கை ஒன்றை வழங்கியுள்ளதாகக் கூறப்படுகின்றது.விவசாயிகள் மத்தியில் நிலவும் அமைதியற்ற சூழலை பயன்படுத்தியே இந்த சதித் திட்டம் மேற்கொள்ளப்படுவதாகபொலிஸ் உயர் வட்டாரங்களை மேற்கோள்காட்டி தகவல்கள் வெளியாகியுள்ளன.
இந்த சதித் திட்ட முயற்சியின் பின்னணியில் முந்தைய போராட்டத்தில் ஈடுபட்ட ஒரு குழுவினரும் இருக்கின்றனர் என்றும் உளவுத்துறை அறிக்கையில் கூறப்பட்டுள்ளதாகக் கூறப்படுகின்றது. நாட்டின் பொருளாதார வேலைத்திட்டத்தை சீர்குலைப்பதே இதன் பின்னணியில் உள்ள சக்திகளின் முக்கிய நோக்கம்.
இந்த சதியின் பின்னணியில் உள்ள குழுக்கள் யார் என்பதை புலனாய்வு அமைப்புகள் விரிவாக சுட்டிக்காட்டியுள்ளன. புலனாய்வு அமைப்புகள் பல ஊடக நிறுவனங்களின் பெயரையும்
குறிப்பிட்டுள்ளதாகவும் அந்த ஊடகநிறுவனங்கள் மக்களைத் தூண்டும் வகையில் ஊடக அறிக்கைகளைவெளியிடுவதாகவும் குறிப்பிடப்பட்டுள்ளது.
இந்த விவகாரத்தில் எதிர்க்கட்சிமற்றும் தமிழ் கட்சியைப் பிரதிநிதித்துவப்படுத்தும் உறுப்பினர் ஒருவருக்கும்தொடர்பு இருப்பதாகவும் கூறப்படுகின்றது.
வறட்சியால் பாதிக்கப்பட்ட விவசாயிகளுக்கு அரசு தண்ணீர் தருவதில்லை. இதனால் உணவுப் பஞ்சம் ஏற்படும் என்றும் கூறி விவசாயிகளை வீதிக்கு இறக்கி அதன் மூலம் அரசியல்
அதிர்வலைகளை உருவாக்குவதே சதி முயற்சியாளர்களின் திட்டம் என்றும் தெரிவிக்கப்பட்டது.
