இன்று (18) ஆம் திகதி மாலை 5 மணியளவில், சந்திவெளி பிரதான வீதி சந்தைக்கு முன்பாக இரண்டு மோட்டார் சைக்கிள்கள் நேருக்கு நேர் மோதிய பாரிய விபத்தில் ஒருவர் உயிரிழந்துள்ளார்.
விபத்தில் சிக்கிய மற்றைய இளைஞனும் கை, கால்களில் பலத்த காயத்துடன் மட்டக்களப்பு போதனா வைத்தியசாலையில் அதிதீவிர சிகிச்சை பிரிவில் அனுமதிக்கப்பட்டுள்ளார்.
இன்று இரவு இடம்பெறவிருந்த கரப்பந்தாட்ட நிகழ்வில் கலந்துகொள்வோருக்காக வெதுப்பகம் ஒன்றில் உணவினை கொள்வனவு செய்ய வந்த போதே இந்த இளைஞன் விபத்தில் சிக்கி உயிரிழந்துள்ளதாக மேலதிக தகவல்கள் தெரிவிக்கின்றன.
அதேசமயம் உயிரிழந்தவர் சந்திவெளியை சேர்ந்த 27 வயதான வடிவேல் மோகன சாந்தன் என்னும் இளைஞன் என்பதுடன், கடந்த 9 தினங்களுக்கு முன்புதான் குறித்த இளைஞன் திருமண பந்தத்தில் இணைந்து கொண்டிருந்தமை குறிப்பிடத்தக்கது.
