அப்பியாசக் கொப்பிகள் மற்றும் அச்சிடப்பட்ட நூல்களுக்கு பெறுமதி சேர் வரி (VAT) விலக்களிக்கப்படுவதாக ஜனாதிபதி அநுர குமார திசாநாயக்க அறிவித்துள்ளார்.
2027ஆம் ஆண்டுக்கான வரவு செலவுத் திட்டத்தை நாடாளுமன்றத்தில் சமர்ப்பித்து உரையாற்றியபோதே அவர் இதனைத் தெரிவித்துள்ளார்.
இதன்படி, பாடப்புத்தகங்கள், சொல்லகராதிகள், கலைக்களஞ்சியங்கள், சிறுவர்களுக்கான பட மற்றும் சித்திரம் வரையும் புத்தகங்கள், கல்விசார் வெளியீடுகள் உள்ளிட்ட அச்சிடப்பட்ட நூல்கள் மற்றும் அப்பியாசக் கொப்பிகளுக்கு VAT வரியிலிருந்து விலக்களிக்க முன்மொழியப்பட்டுள்ளது.
கல்வியின் முக்கியத்துவத்தைக் கருத்திற்கொண்டும், அத்தியாவசிய கல்விசார் பொருட்களை பொதுமக்கள் நியாயமான விலையில் பெற்றுக்கொள்வதை உறுதிப்படுத்தும் நோக்கிலும் இந்த நடவடிக்கை எடுக்கப்படுவதாக ஜனாதிபதி குறிப்பிட்டுள்ளார்.
2024ஆம் ஆண்டு ஜனவரி மாதம் முதல் அச்சிடப்பட்ட நூல்கள் மற்றும் ஏனைய அச்சிடப்பட்ட பொருட்களுக்கு VAT வரி அறவிடப்பட்டு வந்த நிலையில், தற்போது அவற்றுக்கு வரி விலக்களிக்க முன்மொழியப்பட்டுள்ளமை குறிப்பிடத்தக்கது.
