இன்று(09) காலை பொல்கஹவெலயில் இருந்து கொழும்பு நோக்கி பயணித்த தொடரூந்தொன்று மீரிகம வில்வத்த பகுதியில் கனரகவாகனமொன்றுடன் மோதி பாரிய விபத்துக்குள்ளாகியுள்ளது.
தொடரூந்தில் மோதிய கனரகவாகனத்தின் கொள்கலன் பெட்டி சுமார் 100 மீற்றர் தூரம் இழுத்துச் செல்லப்பட்டு நிறுத்தப்பட்டதால் தொடரூந்து சமிக்ஞை, மின்கம்பங்கள் மற்றும் தொடரூந்து கதவுகள் என்பன பலத்த சேதம் அடைந்துள்ளதாக காவல்துறையினர் தெரிவிக்கின்றனர்.
மேலும், இந்த விபத்தால், தொடரூந்தின் சக்கரங்கள் மற்றும் என்ஜின் பலத்த சேதமடைந்துள்ளதாகவும் தெரிவிக்கப்பட்டுள்ளது.
இதன் காரணமாக பிரதான பாதையில் தொடரூந்து போக்குவரத்து தடைப்பட்டுள்ளதாகவும் பல தொடரூந்துகள் தாமதமாக புறப்படுவதாகவும் ரயில்வே திணைக்களம் தெரிவித்துள்ளது.
