குருந்தூர்மலையில் சிவாலயமொன்றை நிறுவ தீர்மானிக்கப்பட்டுள்ளதாக பெளத்த-இந்து அமைப்புகள் சில கூட்டாக அறிவித்துள்ளன. குருந்தூர்மலை விவகாரம் தொடர்பில்
யாழ்ப்பாணம் ஆரியகுளம் நாகவிகாரையில் தென்னிலங்கை பௌத்த பிக்குகளும்
சிவசேனை உள்ளிட்ட சில சைவ அமைப்புகளின் பிரதிநிதிகளுக்கும் குருமார்களுக்கும் இடையில் நேற்று வியாழக்கிழமை (17) கலந்துரையாடல் நடைபெற்றது. இதன் பின்னர் இடம்பெற்ற ஊடக சந்திப்பில் பெளத்த, இந்து அமைப்புகள் இதனை அறிவித்துள்ளன.
இன்றையதினம் (18) குருந்தூர் மலையில் சைவர்கள் பொங்கலில் ஈடுபடவுள்ள நிலையில், அது தொடர்பாக கலந்துரையாடல் இடம்பெறவில்லை என ஊடகங்களின் கேள்விக்கு பதிலளித்தனர். இதன்போது ஆரியகுளம் நாக விகாராதிபதி, குருந்தூர் மலை விகாராதிபதி, தையிட்டி விகாராதிபதி, நாவற்குழி விகாராதிபதி உள்ளிட்ட பலரும் கலந்துகொண்டனர்.
