சிறுதொழில் முயற்சியாளர்களை ஊக்குவிக்கும் நோக்கத்துடனும், அவர்களின் தொழிலை தொழில்நுட்பத்துடன் கை கோர்ப்பது பற்றியுமான கருத்தரங்கு நிகழ்வு ஒன்று சிறு தொழில் முயற்சி அபிவிருத்தி பிரிவினால் இன்று மட்டக்களப்பு மண்முனை வடக்கு பிரதேச செயலகத்தில் இடம்பெற்றது.
மண்முனை வடக்கு பிரதேச செயலாளர் தலைமையிலும்,சிறு தொழில் முயற்சி அளிவிருத்தி உத்தியோகத்தர்கள் ஏற்பாட்டிலும் இந்த நிகழ்வு ஒழுங்கு செய்யப்பட்டிருந்தது.
வியாபாரம் செய்பவர்களுக்கும் , புதிய வியாபாரம் ஒன்றை ஆரம்பிக்கவிருக்கும் தொழில் முயற்சியாளர்களுக்கும் தகவல் தொழில் நுட்பம் தொடர்பான விளக்கங்களை மட்டக்களப்பு மாவட்ட செயலக தகவல் தொழில் நுட்ப உத்தியோகத்தர் வழங்கியிருந்ததுடன் இணையவழி சந்தைப்படுத்தலை எவ்வாறு கையாளுவது என்பது குறித்த அறிவும் வழங்கப்பட்டது.
