நாளை ஆகஸ்ட் 30 ஆம் திகதி வலிந்து காணாமல் ஆக்கப்பட்டவர்களுக்கான சர்வதேச தினமாக பிரகடனப்படுத்தப்பட்டுள்ளது. அன்றையதினம் வலிந்து காணாமல் ஆக்கப்பட்டவர்களுக்கான நீதி வேண்டி காணாமல் ஆக்கப்பட்டவர்களுக்கான சங்கத்தினரால் மட்டக்களப்பில் கண்டனப்போராட்டம் ஒன்று முன்னெடுக்கப்படவுள்ளது.
இதற்கு ஆசிரிய சங்கத்தினரும் தங்கள் ஆதரவினை வழங்கியுள்ளனர். இன்று (29.08.2023) மட்டு ஊடக அமையத்தில் நடைபெற்ற ஊடக சந்திப்பின் போது ஆசிரிய சங்கத்தின் மட்டக்களப்பு மாவட்ட செயலாளரும் கிழக்கு மாகாண இணைப்பாளருமாகிய பொன்னுத்துரை உதயரூபன் இதனை தெரிவித்தார்.
