இலங்கைக்கான புதிய இந்திய உயர்ஸ்தானிகராக சிறீ சந்தோஷ் ஜா நியமிக்கப்பட்டுள்ளார்.
விரைவில் அவர் தனது கடமைகளை ஆரம்பிக்கவுள்ளதாக இந்திய வெளிவிவகார அமைச்சு தெரிவித்துள்ளது.
இலங்கைக்கான இந்திய உயர்ஸ்தானிகராக பணியாற்றிவரும் கோபால் பாக்லேயின் பதவிக்காலம் நிறைவடையவுள்ள நிலையில் புதிய தூதுவராக சிறீ சந்தோஷ் ஜா நியமிக்கப்பட்டுள்ளார்.
சிறீ சந்தோஷ் ஜா தற்போது பெல்ஜியத்திற்கான இந்திய தூதராக பணியாற்றி வருகின்றார்.
இலங்கைக்கான புதிய இந்திய உயர்ஸ்தானிகர் சிறீ சந்தோஷ் ஜா விரைவில் தமது கடமைகளை ஆரம்பிக்கவுள்ளதாக இந்திய வெளிவிவகார அமைச்சு தெரிவித்துள்ளது.
இதேவேளை, கடந்த மூன்றரை ஆண்டுகளாக இலங்கையில் பணியாற்றும் கோபால் பாக்லே, தமிழ் மக்களின் அரசியல் தீர்வு உள்ளிட்ட பல்வேறு தமிழ் மக்கள் சார்ந்த விடயங்களில் ஈடுபாட்டுடன் செயற்பட்டிருந்தார்.
இந்த நிலையில் அவுஸ்திரேலியாவிற்கான தூதுவர் பதவிக்கு நியமிக்கப்பட்டுள்ள கோபால் பாக்லே, எதிர்வரும் டிசம்பர் மாதம் முதல் அந்தப் பொறுப்புக்களை ஏற்கவுள்ளதாக கூறப்படுகிறது.
