உயிர்ப் பாதுகாப்புக்காகத் துப்பாக்கி அனுமதிப்பத்திரம் பெற்றுள்ள நபர்களுக்காக, பாதுகாப்புச் சபையின் அறிவுறுத்தலின்படி புதிய பரிசோதனை நடைமுறையொன்று அறிமுகப்படுத்தப்பட்டுள்ளதாகக் பொலிஸ் தலைமையகம் தெரிவித்துள்ளது.
புதிய உத்தரவின்படி, துப்பாக்கி அனுமதிப்பத்திரம் வைத்துள்ளவர்கள் பின்பற்ற வேண்டிய முக்கிய வழிமுறைகளும் தற்போது தெரிவிக்கப்பட்டுள்ளது.
துப்பாக்கி அனுமதிப்பத்திரம் பெற்று ஒவ்வொரு 6 மாதங்கள் பூர்த்தியான பின்னரும், தமக்கு அருகிலுள்ள பொலிஸ் நிலையத்திற்குத் துப்பாக்கியைச் சமர்ப்பிக்க வேண்டும்.
இதன்போது, சம்பந்தப்பட்ட துப்பாக்கியின் தொழிற்பாடு முறையாக உள்ளதா என்பது குறித்தும், அதில் பதிக்கப்பட்டுள்ள இலக்கம் அனுமதிப்பத்திர இலக்கத்துடன் ஒத்துப்போகிறதா என்பது குறித்தும் பரிசோதிக்கப்பட்டு, பொலிஸாரிடமிருந்து சான்றிதழ் ஒன்றைப் பெற்றுக்கொள்ள வேண்டும்.
இந்த ஆண்டு (2026) துப்பாக்கி அனுமதிப்பத்திரங்களைப் புதுப்பிக்கும் பணிகளுக்கு இணையாக, இந்தப் புதிய துப்பாக்கிச் சான்றிதழ் வழங்கும் வேலைத்திட்டத்தையும் நடைமுறைப்படுத்துவதற்குக் பொலிஸார் நடவடிக்கை எடுத்துள்ளனர்.
இனிவரும் காலங்களில் ஒவ்வொரு 6 மாதங்களுக்கு ஒருமுறை உயிர்ப் பாதுகாப்புத் துப்பாக்கி அனுமதிப்பத்திரம் வைத்துள்ளவர்களின் துப்பாக்கிகள் மற்றும் அனுமதிப்பத்திரங்களை முறையாகப் பரிசோதனைக்கு உட்படுத்தி, சம்பந்தப்பட்ட சான்றிதழ்களை வழங்குவதற்குத் தேவையான உடனடி நடவடிக்கைகளை எடுக்குமாறு பொலிஸ் மா அதிபரினால் நாட்டின் அனைத்துக் பொலிஸ் நிலையப் பொறுப்பதிகாரிகள் உள்ளிட்ட உயர் பொலிஸ் அதிகாரிகளுக்கு விசேட அறிவுறுத்தல்கள் விடுக்கப்பட்டுள்ளன.
