பொலிஸ் நற்சான்றிதழ் (Police Clearance Certificate) பெறுவதற்கான விண்ணப்பங்களில் ஏற்படும் சிக்கல்களைத் தெரிவிக்க புதிய தொலைபேசி இலக்கங்கள் அறிமுகப்படுத்தப்பட்டுள்ளன.
இதன்படி, 24 மணி நேரமும் இயங்கும் விசேட கட்டுப்பாட்டு அறையைத் தொடர்புகொண்டு, பொலிஸ் நற்சான்றிதழ் விண்ணப்பங்களைச் சமர்ப்பிப்பது தொடர்பான பிரச்சினைகள் குறித்து தகவல்களைப் பெற்றுக்கொள்ள முடியும் என பொலிஸ் தலைமையகம் தெரிவித்துள்ளது.
கணினி முறைமையில் மேற்கொள்ளப்பட்டு வரும் அத்தியாவசிய பராமரிப்புப் பணிகள் காரணமாக, இணையவழி ஊடாக பொலிஸ் நற்சான்றிதழுக்கான விண்ணப்பங்களைச் சமர்ப்பிக்கும் சேவை தற்காலிகமாக இடைநிறுத்தப்பட்டுள்ளது.
கணினி முறைமை முழுமையாக சீரமைக்கப்படும் வரை, பிரதேச பொலிஸ் நிலையங்கள் ஊடாக நற்சான்றிதழுக்கான விண்ணப்பங்களைப் பெற்றுக்கொள்ள நடவடிக்கை எடுக்கப்பட்டுள்ளதாக பொலிஸ் ஊடகப் பேச்சாளர் உதவிப் பொலிஸ் அத்தியட்சகர் எஃப்.யூ. வூட்லர் தெரிவித்துள்ளார்.
மேலும், விண்ணப்ப செயல்முறை தொடர்பாக ஏதேனும் சிக்கல்கள் அல்லது சந்தேகங்கள் இருப்பின், கீழ்க்காணும் தொலைபேசி இலக்கங்களை 24 மணி நேரமும் தொடர்புகொண்டு மேலதிக தகவல்களைப் பெற்றுக்கொள்ள முடியும் என பொலிஸ் தலைமையகம் அறிவித்துள்ளது:
- 071 859 59 46
- 071 859 59 47
- 071 859 59 48
