மட்டக்களப்பு காந்தி பூங்கா அருகில் உள்ள வாவிவியில் பெண் ஒருவரின் சடலம் கண்டுபிடிக்கப்பட்டுள்ளது
இன்று ஞாயிற்றுக்கிழமை (26) குறித்த பெண்ணின் சடலம் மீட்கப்பட்டுள்ளதாக மட்டக்களப்பு தலைமையக பொலிசார் தெரிவித்தனர். .
குறித்த வாவியில் பெண் ஒருவர் சடலமாக நீரில் மிதப்பதை கண்டு பொதுமக்கள் பொலிசாருக்கு தகவல் வழங்கியதையடுத்து பொலிசார் சம்பவ இடத்திற்கு சென்று விசாரணை மேற்கொண்டதுடன் சடலமாக மீட்கப்பட்டவரை இதுவரை அடையாளம் காணமுடியவில்லை எனவும் தெரியவருகிறது.
சடலத்தை மீட்டு பிரேத பரிசோதனைக்காக வைத்தியசாலையில் ஒப்படைப்பதற்கு நீதிமன்ற உத்தரவை பெறுவதற்கான நடவடிக்கையினை மேற்கொண்டுவருவதாக பொலிசார் தெரிவிக்கின்றனர்.
இதுவரை குறித்த சடலம் அடையாளம் காணப்படாத நிலையில் காவல்துறையினர் மேலதிக விசாரணைகளை மேற்கொள்கின்றனர்.
