ஞானசார தேரரும் நாமலும் ஒரே சிறையில்

பொதுபல சேனா அமைப்பின் பொதுச் செயலாளர் கலகொடஅத்தே ஞானசார தேரர் கைது செய்யப்பட்ட நிலையில், தற்போது கொழும்பு விளக்கமறியல் சிறைச்சாலையில் தடுத்து வைக்கப்பட்டுள்ளார்.

நேற்று மாலை 6 மணியளவில் மகசீன் சிறைச்சாலைக்கு அழைத்துச் செல்லப்பட்ட அவர், அங்குள்ள ‘N’ பிரிவில் 10 கைதிகளுடன் தடுத்து வைக்கப்பட்டுள்ளதாக சிறைச்சாலை திணைக்களம் தெரிவித்துள்ளது.

அதே பிரிவில் விளக்கமறியலில் வைக்கப்பட்டுள்ள நாடாளுமன்ற உறுப்பினர் நாமல் ராஜபக்சவும் தடுத்து வைக்கப்பட்டுள்ளார்.

கைது பிடியாணை பிறப்பிக்கப்பட்டிருந்த நிலையில், கொழும்பு குற்றத்தடுப்புப் பிரிவினரால் கைது செய்யப்பட்ட ஞானசார தேரர் நேற்று கொழும்பு மேலதிக நீதவான் நீதிமன்றில் முன்னிலைப்படுத்தப்பட்டார்.

அவருக்கு எதிராக மேன்முறையீட்டு நீதிமன்றம், கொழும்பு மேல் நீதிமன்றம் மற்றும் கொழும்பு நீதவான் நீதிமன்றம் ஆகியவற்றில் பிடியாணைகள் பிறப்பிக்கப்பட்டுள்ளதாக பொலிஸார் நீதிமன்றத்திற்கு அறிவித்தனர்.

அதேசமயம் அவர் சற்றுமுன்னர் நீதிமன்றத்திற்கு அழைத்து வேறப்பட்டுள்ளார்.