மேல் மாகாணத்தில் இந்த ஆண்டின் இதுவரையான காலப்பகுதியில் 371 தீ விபத்துச் சம்பவங்கள் பதிவாகியுள்ளதாக தீயணைப்புச் சேவைத் திணைக்களம் தெரிவித்துள்ளது.
இந்தச் சம்பவங்களில் சிக்கி 26 பேர் உயிரிழந்துள்ளதாகவும், அவர்கள் அனைவரும் தீ விபத்தின்போது வெளியான புகையைச் சுவாசித்தமையால் உயிரிழந்துள்ளதாகவும் திணைக்களம் சுட்டிக்காட்டியுள்ளது.
இதுபோன்ற அனர்த்தங்களைத் தவிர்க்கும் வகையில், அவசர தீ விபத்துகள் ஏற்படும் சந்தர்ப்பங்களில் தாமதமின்றி பாதுகாப்பான இடங்களுக்கு வெளியேறுமாறு பொதுமக்களுக்கு அறிவுறுத்தப்பட்டுள்ளது.
மேலும், மின் சாதனங்கள் உள்ளிட்ட தீ விபத்துகளை ஏற்படுத்தக்கூடிய ஆபத்தான பொருட்களை முறையாகவும் பாதுகாப்பான வகையிலும் பராமரிக்குமாறும் தீயணைப்புச் சேவைத் திணைக்களம் பொதுமக்களிடம் வலியுறுத்தியுள்ளது.







