பாகிஸ்தானில் நிலவும் பொருளாதார நெருக்கடிக்கு மத்தியில், சமையல் எரிவாயு சிலிண்டர் ஒன்றின் விலை அந்நாட்டு நாணய மதிப்பில் 10,000 ரூபாயைத் தாண்டியுள்ளதாகத் தெரிவிக்கப்படுகிறது.
பாகிஸ்தானின் சமையல் எரிவாயு தேவையில் 75 சதவீதத்துக்கும் அதிகமான பகுதி இறக்குமதி மூலம் பூர்த்தி செய்யப்படும் நிலையில், சர்வதேச சூழ்நிலைகள் மற்றும் ஈரான்–அமெரிக்கா இடையிலான மோதல் உள்ளிட்ட காரணிகளால் எரிவாயு விநியோகத்தில் பாதிப்பு ஏற்பட்டுள்ளதாகக் கூறப்படுகிறது.
இதன் காரணமாக நாட்டின் பல பகுதிகளில் சமையல் எரிவாயுவுக்குத் தட்டுப்பாடு ஏற்பட்டுள்ளதுடன், விலை அதிகரிப்பும் மக்களைப் பெரிதும் பாதித்துள்ளது.
ஏற்கனவே பொருளாதார நெருக்கடி மற்றும் அத்தியாவசியப் பொருட்களின் விலை உயர்வால் சிரமங்களை எதிர்கொண்டு வரும் மக்கள், சமையல் எரிவாயுவைப் பெற்றுக்கொள்வதிலும் கூடுதல் செலவுகளைச் சந்திக்க வேண்டிய நிலைக்குத் தள்ளப்பட்டுள்ளனர்.
எரிவாயு விநியோகத்தில் ஏற்பட்டுள்ள பாதிப்புகள் தொடர்ந்து நீடித்தால், அன்றாட சமையல் தேவைகளைப் பூர்த்தி செய்வதில் பொதுமக்கள் மேலும் சிரமங்களை எதிர்கொள்ள நேரிடும் எனத் தெரிவிக்கப்படுகிறது.
