அக்கரைப்பற்றில் இருந்து தாயுடன் கல்முனைக்குச் சென்ற 44 வயதுடைய கோகுலராஜன் என்பவரைக் காணவில்லை எனத் தெரிவிக்கப்படுவதையடுத்து, அவரைக் கண்டறிவதற்குப் பொதுமக்களின் உதவி கோரப்பட்டுள்ளது.
கடந்த 25ஆம் திகதி காலை 11.30 மணியளவில், அக்கரைப்பற்றில் இருந்து தனது தாயுடன் கல்முனைக்குப் பொருளொன்றைக் கொள்வனவு செய்வதற்காக கோகுலராஜன் சென்றுள்ளார்.
எனினும், குறித்த பொருள் கல்முனையில் கிடைக்காததால், அம்பாறைக்குச் சென்று அதனைக் கொள்வனவு செய்துவிட்டு வீடு திரும்புவதாகத் தனது தாயிடம் தெரிவித்துள்ளார்.
இதனையடுத்து, NXG Splendor ரக மோட்டார் சைக்கிளில் (இலக்கம்: VM 4706) அம்பாறைக்குச் சென்ற அவர், இதுவரை வீடு திரும்பவில்லை எனத் தெரிவிக்கப்படுகிறது.
இந்நிலையில், காணாமல் போன கோகுலராஜனைத் தேடும் நடவடிக்கைகளுக்கு உதவுமாறு அக்கரைப்பற்று, கல்முனை, அம்பாறை உள்ளிட்ட பகுதிகளில் வசிக்கும் பொதுமக்களிடம் கோரிக்கை விடுக்கப்பட்டுள்ளது.
குறிப்பாக, VM 4706 என்ற இலக்கத்தைக் கொண்ட NXG Splendor ரக மோட்டார் சைக்கிளில் பயணித்த கோகுலராஜனைக் கண்டவர்கள் அல்லது அவர் தொடர்பில் ஏதேனும் தகவல்களை அறிந்தவர்கள், 075 581 8537 என்ற தொலைபேசி இலக்கத்துடன் தொடர்புகொண்டு தகவல்களை வழங்குமாறு கேட்டுக்கொள்ளப்படுகின்றனர்.
மேலும், இந்தத் தகவலைச் சமூக வலைத்தளங்கள் மற்றும் WhatsApp குழுக்கள் ஊடாகப் பகிர்ந்து, காணாமல் போனவரைக் கண்டறிவதற்கு ஒத்துழைப்பு வழங்குமாறும் பொதுமக்கள் கேட்டுக்கொள்ளப்படுகின்றனர்.
