2026 ஆம் ஆண்டின் நான்காம் காலாண்டிற்கான மின்சாரக் கட்டணத்தை 2.88 சதவீதத்தால் அதிகரிக்குமாறு தேசிய மின் கட்டமைப்பு இயக்குநரான (NSO) யோசனை முன்வைத்துள்ளது.
எனினும், குறித்த காலப்பகுதியில் மின்சாரக் கட்டணத்தை 1.46 சதவீதத்தால் மாத்திரம் அதிகரிப்பதற்கு இலங்கை பொதுப் பயன்பாடுகள் ஆணைக்குழு பரிந்துரைத்துள்ளது.
இந்நிலையில், மின்சாரக் கட்டணத் திருத்தம் தொடர்பான இறுதி முடிவு நாளை (05) நடைபெறவுள்ள பொதுமக்கள் கருத்தறியும் கூட்டத்தின் பின்னரே எடுக்கப்படும் என பொதுப் பயன்பாடுகள் ஆணைக்குழு அறிவித்துள்ளது.
இதன்படி, குறித்த கூட்டத்தில் பொதுமக்கள் தமது கருத்துகளையும் யோசனைகளையும் முன்வைக்க முடியும்.
பொதுமக்கள் கருத்தறியும் கூட்டத்தில் பங்கேற்பதற்காகப் பதிவு செய்துகொள்ள விரும்புவோர் 0770399119 என்ற தொலைபேசி இலக்கத்துடன் தொடர்புகொள்ளுமாறு இலங்கை பொதுப் பயன்பாடுகள் ஆணைக்குழு கேட்டுக்கொண்டுள்ளது.
