மஹர நீதவான் நீதிமன்றத்தின் வழக்குப் பொருட்கள் வைப்பறையில் பாதுகாப்பாக வைக்கப்பட்டிருந்த பெண்களுக்கான ஆயத்த ஆடைகள் அடங்கிய உர மூடைகள் திருடப்பட்டுள்ளதாகக் கடவத்தை பொலிஸார் தெரிவித்துள்ளனர்.
பேலியகொடை விசேட குற்ற விசாரணைப் பிரிவினரால் தாக்கல் செய்யப்பட்ட வழக்குடன் தொடர்புடைய பெண்களுக்கான நீளமான காற்சட்டைகளே இவ்வாறு திருடப்பட்டுள்ளன.
சம்பவம் தொடர்பில் நீதிமன்றப் பதிவாளர் வழங்கிய முறைப்பாட்டின் அடிப்படையில் கடவத்தை பொலிஸார் விசாரணைகளை ஆரம்பித்துள்ளனர்.
இதன்படி, நீதிமன்ற வளாகத்திலுள்ள சி.சி.டி.வி. காட்சிகளை ஆய்வு செய்து, திருட்டுச் சம்பவத்துடன் தொடர்புடைய சந்தேகநபரைக் கைது செய்வதற்கான நடவடிக்கைகளை பொலிஸார் முன்னெடுத்து வருகின்றனர்.







