இன்று(13.10.2023) மட்டக்களப்பு மாவட்ட செயலகத்தில் வெளிநாட்டு வேலை வாய்ப்புடன் தொடர்புபட்ட விஷேட கருத்தரங்கு ஒன்று நடைபெற்றது. மண்முனை வடக்கு, மண்முனை மேற்கு, மண்முனை பற்று, காத்தான்குடி ஆகிய பிரதேச செயலக பிரிவுகளிலுள்ள வெளிநாட்டு வேலைவாய்ப்பிற்கு ஆர்வமுள்ள இளைஞர் யுவதிகள் இக்கருத்தரங்கில் பங்குபற்றியிருந்தனர்.
இக்கருத்தரங்கில் வெளிநாட்டு தொழில் வாய்ப்பினை எதிர்பாத்திருபோர் எவ்வாறான தகைமைகளை பெற்று வெளிநாடு செல்லவேண்டும், குறிப்பாக NVQ தர சான்றிதழ் குறித்தும், அதனை எவ்வாறு பெற்றுக்கொள்ளமுடியும் என பல விடயங்கள் கலந்துரையாடப்பட்டுள்ளன.
இக்கலந்துரையாடலில் பங்குபற்றிய இளைஞர் யுவதிகளின் தரவுகள் சேகரிக்கப்பட்டன. மேலும் நிர்ணயிக்கப்பட்ட நிபந்தனைகளின்கீழ் தெரிவு செய்யப்பட்டு வெளிநாட்டிற்கு செல்லவிருக்கும் இளைஞர் யுவதிகளுக்கு அரசினால் சில உதவிகள் வழங்கப்படவிருப்பதாக அதிகாரிகள் தெரிவித்தமை குறிப்பிடத்தக்கது.
