நேற்று (22)இரவு கொழும்பிலிருந்து மட்டக்களப்பு நோக்கி புறப்பட றோயல் அதி சொகுசு பேருந்தும், முச்சக்கர வண்டி ஒன்றும் விபத்துக்குள்ளானதில் இருவர் உயிரிழந்துள்ளனர்.
நேற்று இரவு 9:30 மணியளவில் கொழும்பு வெள்ளவத்தையில் இருந்து, மட்டக்களப்பு நோக்கி புறப்பட்டு, இரவு 11:15 மணியளவில் மினுவாங்கொடை வழியாக செல்லும் போதே இவ்விபத்து இடம்பெற்றுள்ளது.
பேருந்தில் பயணித்த மக்களுக்கு எதுவும் ஆகவில்லை என்றாலும், முச்சக்கர வண்டியில் பயணித்த இருவர் சம்பவ இடத்தில் உயிரிழந்துள்ளனர்.
இதுவரையில் விபத்துக்கான காரணங்கள் எதுவும் தெரியவரவில்லை என்பதுடன், மினுவாங்கொடை பொலிசார் இது குறித்த மேலதிக விசாரணைகளை முன்னெடுத்து வருகின்றனர்.
