காஸா பகுதியில் இஸ்ரேல் மேற்கொள்ளும் தாக்குதல்களை கண்டித்தும், இரு நாடுகளுக்கு இடையிலான யுத்தத்தினை முடிவுக்கு கொண்டு வருமாறு வலியுறுத்தியும் இன்று (27) மட்டக்களப்பில் கவன ஈர்ப்பு போராட்டம் முன்னெடுக்கப்பட்டது.
மட்டக்களப்பு காந்தி பூங்கா முன்பாக இன்று பலஸ்தீன நட்புறவு சங்கத்தின் ஏற்பாட்டில் இன்றைய ஜும்மா தொழுகையின் பின்னர் இந்த போராட்டம் இடம்பெற்றது.
இக்கண்டன ஆர்ப்பாட்டத்தின் போது நாசகார இஸ்ரேல் ஒழிக, யுத்தத்தை நிறுத்து, பேச்சுவார்த்தைக்கு வா, என்கின்ற கோசங்களை எழுப்பியவாறும் பதாகைகள் ஏந்தியவாறும் ஆர்ப்பாட்டத்தில் ஈடுபட்டனர்.
இக்கண்டன ஆர்ப்பாட்டத்தில் சுமார் 25க்கு மேற்பட்டோர் கலந்து கொண்டதுடன் மதம் மொழி கடந்து அனைவரும் கலந்துகொண்டமை குறிப்பிடத்தக்கது.
