அநுராதபுரம் – கெப்பித்திகொல்லாவ பொலிஸ் பிரிவுக்குட்பட்ட பகுதியில் இரு குழுக்களுக்கு இடையே ஏற்பட்ட மோதலை அடுத்து இரண்டு பொலிஸ்உத்தியோகத்தர் உட்பட ஐந்து பேர் வைத்தியசாலையில் அனுமதிக்கப்பட்டுள்ளனர்.
கெப்பித்திகொல்லாவ குறுலுகம கிராமத்தில் பாம்பு கடிக்கு உள்ளான நிலையில் உயிரிழந்தவரின் வீட்டுக்கு
ஏழாம் தினமான நேற்று முன்தினம் வாகல்கட பிரதேசத்தில் இருந்து பௌத்தபிக்கு ஒருவர் பிரித் ஓதுவதற்காக வருகை தந்துள்ளார்.
இந்நிலையில் அதே கிராமத்தில் வசித்து வரும் விகாரையின் விகாராதிபதி மற்றும் கிராம மக்கள் சிலர் அந்த
பௌத்த பிக்குவின் வருகைக்கு எதிர்ப்பை வெளியிட்டு பிரித் ஓதும் வீட்டை முற்றுகையிட்டுள்ளனர்.
இச்சம்பவம் தொடர்பாக பொலிஸாருக்குத் தகவல் கிடைத்ததையடைத்து சம்பவ இடத்துக்கு பொலிஸார் சென்றனர்.
பௌத்த பிக்குவை அனுப்பி வைக்கமுற்பட்ட போது ஒரு குழு பொலிஸாரைத் தாக்கியத்துடன் அவர்களின் கடமைக்கும் இடையூறும் விளைவுத்துள்ளதாகக் கூறப்படுகின்றது.இதனையடுத்து விசாரணைகளை
மேற்கொண்ட பொலிஸார் குறுலுகம ரஜமஹா விகாரையின் விகாரதிபதியான (30வயது) ரஞ்சுனலாகே சுகத
வன்ச ஹிமியை கைது செய்துள்ளனர்.
இதேவேளை இந்தச் சம்பவத்தில் இரண்டு பொலிசார் மற்றும் பௌத்த பிக்கு ஒருவரும் காயம் அடைந்த நிலையில் கெப்பித்திகொல்லாவ வைத்தியசாலையில் சிகிச்சை பெற்று வருகின்றனர் எனத் தெரியவருகின்றது.இந்தச் சம்பவம் தொடர்பில் தாங்கள் விசாரணைகளை முன்னெடுத்து வருகின்றனர் எனக் கெப்பித்திகொல்லாவ பொலிஸார் தெரிவித்தனர்.
