மட்டக்களப்பு போதனா வைத்தியசாலை இரத்த வங்கியில் நிலவும் குருதி தட்டுப்பாட்டினை நிவர்த்தி செய்யும் வகையில் மட்டக்களப்பு புனித மெதடிஸ்த மத்திய கல்லூரியில் கல்லூரியின் பழைய மாணவர்களால் இந்த இரத்ததான நிகழ்வு ஏற்பாடு செய்யப்பட்டிருந்தது. கல்லூரியின் 2015 ஆம் ஆண்டு உயர்தர வகுப்பு பழைய மாணவர்கள், பழைய மாணவர் சங்கத்தின் அனுசரணையுடன் இரத்ததான நிகழ்வுகளை ஏற்பாடு செய்திருந்தனர்.
இக்கல்லூரி வளாகத்தில் இடம் பெற்ற இந்த இரத்த தான நிகழ்வில் பழைய மாணவர் சங்க உறுப்பினர்கள், கிழக்கு பல்கலைக் கழகத்தின் தாதியர் கற்கை மாணவர்கள், கல்லடி சிவானந்தா மற்றும் மட்டக்களப்பு புனித மிக்கேல் கல்லூரி ஆகியவற்றின் பழைய மாணவர்கள், பழைய மாணவர்கள் சங்க உறுப்பினர்கள், பொது மக்கள் என வேறுபாடுகள் இன்றி இந்து இஸ்லாம் பௌத்த கிறிஸ்தவ மக்கள் இங்கு வந்து இரத்த தானம் செய்தனர்.
மட்டக்களப்பு போதனா வைத்தியசாலையின் இரத்த வங்கியின் வைத்தியர் டாக்டர்.திருமதி.பிரஷ்னவி தலைமையிலான குழு இந்த இரத்ததான நிகழ்வில் குருதி சேகரிக்கும் பணியில் ஈடுபட்டனர். கல்லூரியின் அதிபர் கே. பாஸ்கர் பழைய மாணவர் சங்கத்தின் தலைவர் யூ. மயுரன் உள்ளிட்ட மாணவர் சங்கத்தின் பல பிரதிநிதிகளும் அங்கு பிரசன்னமாகி இருந்தனர்.
