மட்டு ஆரையம்பதியில் நிறுத்தி வைக்கப்பட்டிருந்த பேருந்து முற்றாக எரிந்து சேதம்!

காத்தான்குடி காவல்துறை பிரிவுக்குட்பட்ட ஆரையம்பதி பகுதியில் தனியார் பேருந்தொன்று முற்றாக எரிந்து நாசமாகியுள்ளது.

இந்த சம்பவம் இன்று (09) அதிகாலை சுமார் 4.00 மணியளவில் இடம்பெற்றதாக எமது செய்தியாளர் தெரிவித்துள்ளார்.

மட்டக்களப்பு – கல்முனை பிரதான வீதிக்கருகில் உள்ள வளாகத்தினுள் நிறுத்தி வைக்கப்பட்டிருந்த தனியார் பேருந்தொன்றே இவ்வாறு தீக்கிரையாகியுள்ளது.
தீ விபத்திற்கான காரணம் இதுவரை கண்டறியப்படாத நிலையில் மேலதிக விசாரனைகளை காத்தான்குடி காவல்துறையினர் மேற்கொண்டு வருகின்றனர்.